بەپێی ئامارێكی گەشتوگوزاری هەڵەبجە تەنها ئەمڕۆ 120 هەزار گەشتیار و سەردانكەر روویان لە سنوورەكەیان كردووە.
بەڕێوەبەرایەتیی گەشتوگوزاری هەڵەبجە رایگەیاند، لە دووەم رۆژی فێستیڤاڵی هەنار و پایزی هەڵەبجە لە هەردوو بازگەی زەمەقی و دەرەشیش 85 هەزار گەشتیار داخڵی پارێزگای هەڵەبجە بوون.
ئەوەشی خستەڕوو، سەردانكەر سەنتەری قەزای مەڵبەندی هەڵەبجە بە نزیكەیی 35 هەزار بووە.
بەوەش کۆی گشتیی گەشتیار و سەردانكەر لە رۆژی دووەمی فێستیڤاڵەكەدا 120 هەزار بووە، وەك ئەوەی گەشتوگوزاری هەڵەبجە دەیڵێت.
فێستیڤاڵەكە دوێنێ پێنجشەممە دەستیپێكرد و سبەینێ دواهەمین رۆژی دەبێت.
لە فێستیڤاڵەكەدا جگە لە هەنار، چەندین بەرهەمی جوتیارانی سنوورەكە، ئیشی هەور و دەستی خراونەتەڕوو.
