بەڕێوەبەرایەتیی كەشناسی و بومەلەرزەزانیی هەرێم پێشبینییەكانی بۆ كەشوهەوای ئەمڕۆ و سبەی بڵاودەكاتەوە كە بەپێی پێشبینییەكان، ئەمڕۆ ئاسمان نیمچەهەور دەبێت و ناوچە شاخاوییەكان هەوری تەواودەبێت لەگەڵ ئەگەری نمەباران لە ناوچە جیاجیاكانی هەرێم لە كاتی جیاوازدا، رێژەی باران لەناوچە شاخاوییەكان زیاتر دەبێت بەتایبەتی لە سنووری پارێزگای دهۆك.
بەپێی راگەیەندراوێكی بەڕێوەبەرایەتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان نیمچەهەور دەبێت و ناوچە شاخاوییەكان هەوری تەواودەبێت لەگەڵ ئەگەری نمەباران لە ناوچە جیاجیاكانی هەرێم لە كاتی جیاوازدا و رێژەی باران لە ناوچە شاخاوییەكان زیاتردەبێت بە تایبەتی لە سنووری پارێزگای دهۆك و پلەكانی گەرما نزیكدەبنەوە بە بەراوورد لەگەڵ تۆماركراوەكانی دوێنێ.
هەر لە راگەیەندراوەكەدا هاتووە، سبەی شەممە بە شێوەیەكی گشتی ئاسمان لە نێوان ساماڵ و پەڵەهەوردا دەیێت و پلەكانی گەرما كەمێك بەرزتردەبنەوە بە بەراوورد بە تۆمارەكانی ئەمرۆ .
بەرزترین پلەكانی گەرمای پێشبینیكراو بە پلەی سیلیزی :
هەولێر : 27 پلەی سیلیزی
سلێمانی : 24 پلەی سیلیزی
دهۆك : 27 پلەی سیلیزی
كەركوك :30 پلەی سیلیزی
هەڵەبجە : 23 پلەی سیلیزی
زاخۆ : 26 پلەی سیلیزی
گەرمیان : 31 پلەی سیلیزی
