لەدوای دۆڕانیان بەرامبەر بە یانەی دهۆک، یاریزانانی یانەی زاخۆ ویستیان بەپەلە شارەکە جێبهێڵن.
لە گرتە ڤیدیۆیەکدا کە لە تۆڕە کۆمەڵایەتییەکان بڵاوکراوەتەوە دەردەکەوێت، لەدوای کۆتاییهاتنی یاری نێوان دهۆک و زاخۆ، ئەو پاسەی کە تایبەت بوو بە گواستنەوەی یاریزانان بە ئاڕاستەی پێچەوانەی شەقام و بە خێراییەکی زۆر دەڕوات.
بەپێی زانیارییەکان، “ئەم هەنگاوەی شۆفێری پاسی یانەی زاخۆ، بۆ ئەوە بووە کە یاریزانان بێهیچ زیانێک و بە خێرایی بباتە دەرەوەی شاری دهۆک”.
شەوی رابردوو هەردوو یانەی زاخۆ و دهۆک بەیەک گەیشتن، یانەی دهۆک لە کۆتا ساتەکانی یاریییەکەدا توانیان گۆڵێكی بێبەرامبەر تۆماربکەن و بردنەوە مسۆگەر بکەن.
