لە كاتژمێر 12ی ئەمشەوەوە هەڵمەتی بانگەشە بۆ هەڵبژاردنی ئەنجومەنی پارێزگاكان دەستپێدەكات.
بڕیارە لە 18ی كانونی دووەمی داهاتوو هەڵبژاردنی ئەنجومەنی پارێزگاكان لە كەركوك و پارێزگاكانی دیكەی عێراق جگەلە هەرێمی كوردستان بەڕێوەبچێت.
بەپێی بڕیاری ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكان لە عێراق لە 1ی تشرینی دووەمەوە بانگەشەی هەڵبژاردن دەستپێدەكات و تا رۆژێك بەر لە رۆژی دەنگدان بەردەوام دەبێت.
لە كەركوك لایەنە كوردستانییەكان جگە لە یەكێتی و شیوعی بە لیستی جیاجیا بەشداری هەڵبژاردنەكە دەكەن.
یەكێتی و شیوعی هاوپەیمانیی (كەركوك هێز و ئیرادەمانە)یان پێكهێناوە و كە ژمارەكەی بۆ هەڵبژاردن 142ە.
جگە لە كەركوك، لایەنە كوردستانییەكان لە (نەینەوا، دیالە، سەلاحەدین و بەغداد) بە لیستی جیاجیا بەشداردەبن.
