پلەكانی گەرما بەرزدەبنەوە

وەزارەتی گواستنەوە و گەیاندنی هەرێم پێشبینییەكانی بۆ كەشوهەوای ئەمڕۆ و سبەی بڵاوكردەوە بەپێی پێشبینییەكان سبەی پلەكانی گەرما بەرزدەبنەوە.

بەپێی راگەیەندراوێكی وەزارەتی گواستنەوە و گەیاندنی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان پەڵەهەور دەبێت و پلەكانی گەرما نزیكدەبنەوە لە تۆماركراوەكانی دوێنێ.

هەر لە راگەیەندراوەكەدا هاتووە، سبەی شەممە ئاسمان بە گشتی لە نێوان ساماڵ و پەڵەهەوردا دەبێت و پلەكانی گەرما كەمێك بەرزتردەبێتەوە بە ڕێژەی(2-3)پلە بە بەراورد لەگەڵ تۆماركراوەكانی ئەمڕۆ.

بەرزترین پلەكانی گەرمای پێشبینیكراو بە پلەی سیلیزی :

هەولێر : 30 پلەی سیلیزی

سلێمانی : 28 پلەی سیلیزی

دهۆك : 31 پلەی سیلیزی

كەركوك : 32 پلەی سیلیزی

هەڵەبجە : 29 پلەی سیلیزی

زاخۆ : 31 پلەی سیلیزی

حاجی ئۆمەران: 19 پلەی سیلیزی

سۆران : 29 پلەی سیلیزی

گەرمیان : 34 پلەی سیلیزی