پارتەكەی سەدر: ئەوەی هەوڵی دواخستنی هەڵبژاردن بدات بە توندی لەدژی دەوەستینەوە

موقتەدا سەدر و پارتەكەی پێداگیری دەكەن لەسەر ئەوەی هەڵبژاردنی پێشوەختە دوانەخرێت و لە وادەی خۆیدا بەڕێوەببرێت.

هاوپەیمانیی سائیرون كە نوێنەرایەتیی ڕەوتی سەدر بە سەرۆكایەتیی موقتەدا سەدر دەكات، هەڵوێستی هاوپەیمانێتی و ڕەوتەكەی سەبارەت بە هەڵبژاردنی پەرلەمانیی پێشوەختە ئاشكراكرد.

سەلام شمەری، ئەندامی هاوپەیمانیی سائیرون لە پەرلەمانی عێراق ڕایگەیاند، “هەندێك لایەن هەوڵدەدەن باز بەسەر داواكاریی هێزە نیشتمانییەكاندا بدەن و هەڵبژاردنی پەرلەمانیی پێشوەختە دوابخەن، ئەوەش قبوڵكراو نییە و هەڵوێستی سیاسیی بەهێزمان لەدژی دەبێت.”

شمەری لە ڕاگەیاندراوێكدا كە ئەمڕۆ سێشەممە 29ی كانونی یەكەم بڵاویكردەوە، هەڵوێستی نەگۆڕی ڕەوتی سەدر-ی خستەڕوو و وتی، “هەڵبژاردنی داهاتوو دەرفەتێكی گەورەیە بۆ گۆڕانكاری و گوزارشتی ڕاستەقینەی جەماوەر و هێزە سیاسییە نیشتمانپەروەرەكان، هەر هەوڵێك بدرێت بۆ پەكخستن یاخود دواخستنی، لەدژی دەوەستینەوە.”

نوێنەرەكەی سەدر لە پەرلەمان جەختیكردەوە كە “هەڵبژاردنە پەرلەمانییەكەی حوزەیرانی داهاتوو گرنگە، چونكە حكومەتێكی نوێی لێدێتە ئاراوە كە داواكاری و خواستی جەماوەری ئاشتیخواز بەدیدەهێنێت.”

هاوكات، سەڵاح عوبێدی، وتەبێژی موقتەدا سەدر ڕایگەیاند، “وەك رەوتی سەدر خواستمان هەیە لە هەڵبژاردنی داهاتوودا 100 كورسی بەدەستبهێنین و ڕابەرایەتیی بارودۆخەكە بگرینەدەست.”

بابەتی پێشتر

لە ساڵی 2020دا پەرلەمانی كوردستان تەنها 90 كاتژمێر دانیشتنی هەبووە

بابەتی دواتر

بارودۆخی بەچی گەیشتووە؟ حەوت ساڵ بەسەر خەواندنی شوماخەر تێپەڕدەبێت

بابەتی پەیوەندیدار
زیاتر ببینە

بارانبارین دەستپێدەکاتەوە

بەڕێوبەرایەتی کەشناسی و بومەلەرزەزانی هەرێم ڕایگەیاند، لە ئەنجامى درێژبوونەوەى کاریگەرى نزمە پاڵە پەستۆى دەریاى ناوەڕاست سبەى هەرێمى کوردستان…
Total
0
Share