بڕیارە هەفتەی داهاتوو شاندی هەرێم بەمەبەستی هەموارکردنەوەی ئەو ماددانەی ناو یاسای بودجەی عێراق کە پەیوەندییان بە هەرێمەوە هەیە بگەنەوە بەغداد.
هونەر جەمال وتەبێژی وەزارەتی دارایی و ئابووری رایگەیاند، هەفتەی داهاتوو شاندی هەرێم بە سەرۆکایەتی ئاوات شێخ جەناب دەچنەوە بەغداد و لەگەڵ بەرپرسانی وەزارەتی نەوت و دارایی عێراق کۆدەبنەوە.
ئاماژەی بەوەشکرد، بڕیارە پرۆژەیەکی هاوبەش ئامادەبکرێت و رەوانەی ئەنجومەنی نوێنەران بکرێت بۆ هەموارکردنەوەی ئەو ماددانەی ناو یاسای بودجە کە پەیوەستن بە هەرێم و کێشەیان تێدایە.
