لەماوەی 14 ساڵدا 17 ملیار دۆلار لە پڕۆژەی نیشتەجێبووندا خەرجکراوە

بەپێی ئامارێکی کۆمەڵەی داکۆکی لە مافی کرێنشینان، لە ماوەی ساڵی 2006 تا ساڵی 2020 مۆڵەتدراوە بە 171 هەزار و 643 یەکەی نیشتەجێبوون بۆ دروستکردن و 17 ملیار دۆلار خەرجی ئەو یەکانە بووە لە پارێزگاکانی هەرێم.

بەرهەم سەردار، سەرۆکی کۆمەڵەی کرێنشینانی سلێمانی، بە تۆڕی میدیایی ئێستای وت، “لە ماوەی 14  ساڵدا 88 پڕۆژە کە دەکاتە 89 هەزار و 423 یەکەی نیشتەجێبوون لە هەولێر دروستکراوە و لە سلێمانیش 54 پڕۆژە بووە و 51 هەزار و 221 یەکە بووە و لە دهۆکیش 38  پڕۆژە بووە و 30 هەزار و 998 یەکە بووە”.

لە هەرێمی کوردستان 168 کۆمپانیای تایبەت بە دروستکردنی یەکەی نیشتەجێبوون هەیە و 85 کۆمپانیایان دەکەوێتە هەولێر و لە سلێمانی 47  کۆمپانیایە و لە دهۆکیش 36 کۆمپانیایە.

بەپێی وتەی کۆمەڵەی داکۆکی لە مافی کرێنشینان لەو 17 ملیار دۆلارەی لە یەکەی نیشتەجێبووندا خەرجکراوە زیاتر لە 11 ملیار دۆلاری لە هەولێر خەرجکراوە و لە سلێمانی زیاتر لە سێ ملیار و لە دهۆکیش زیاتر لە دوو ملیار دۆلار.

بابەتی پێشتر

پۆچتینۆ لە پاریس سانت جێرمان ڕوبەڕوی کێشەکانی توخێل و نێیمار دەبێتەوە

بابەتی دواتر

باری لەناكاو لە بەغداد درێژ كرایەوە

بابەتی پەیوەندیدار
زیاتر ببینە

پۆلیسی سلێمانی یەكەمە

پۆلیسی سلێمانی، وەك باشترین دامەزراوەی وەزارەتی ناوخۆی هەرێمی كوردستان ‏دەستنیشانكرا و خەڵاتكرا.‏ لە کۆبوونەوەی لیژنەی باڵای ئۆپەراسیۆن لە…
Total
4
Share