بە پێی بڕیارێکی ئەنجومەنی وەزیرانی هەرێم، لەمەودوا ڕەسم و باجی گومرگی لە دەروازە سنوورییەکان و خاڵە گومرگییەکان، لە بری دۆلار، دراوی دینار وەردەگیرێت و هەر لایەنێکیش پێیەوە پابەند نەبێت سزا دەدرێت.
فەرمانگەی میدیا و زانیاری بڵاویکردەوە، بە بڕیارى ژمارە 227 ى ئەنجومەنی وەزیرانی هەرێمی کوردستان کە لە 20 ی ئەیلولی 2023 گشتێندراوە پشتبەست بە حکومەکانی ماددەى هەشتەم، لە یاساى ئەنجومەنی وەزیرانی هەرێمی کوردستان، ژمارە 3 ى ساڵی 1992ى هەموارکراو، لەسەر پێشنیارى وەزیرى دارایی و ئابووری، بڕیار درا وەرگرتنی ڕەسمی گومرگی و ڕەسمی باجی گومرگی لە دەروازە سنوورى و خاڵە گومرگییەکان تەنیا بە دینارى عێراقی بێت.”
ئاشکراشیکرد، “سەرجەم وەزارەت و لایەنە پەیوەندیدارەکان بەم بڕیارەوە پابەند دەکرێن، لە کاتی سەرپێچیشدا لە دەروازە سنووری و خاڵە گومرگییەکان، لایەنی سەرپێچیکار رووبەڕووی سزا دەبێتەوە”.
