بەرپرسانی ئەمنی ئێران بڵاویانکردەوە، ئەمڕۆ تەرمی یەکێک لە دیارترین ئەستێرەکانی سینەمای وڵاتەكە و هاوژینەكەی لە شاری کەرەجی رۆژئاوای تاران دۆزراوەتەوە.
ئاژانسی هەواڵی ئیسنا بڵاویکردەوە، تەرمی دەرهێنەری سینەمایی داریوش مەهجوری و هاوژینەكەی وەحیدە محەمەدی بە کوژراوی لە ماڵەکەی خۆیاندا لە شاری کەرەج دۆزراونەتەوە.
ئاشکراشیکرد، مەهجوری سەربڕدراوە و ئاسەواری چەقۆ بە جەستەیانەوە دیاربووە.
بەر لە چەند رۆژێک لە تۆڕی کۆمەڵایەتی ئینستاگرام هەڕەشەی کوشتن لەو دەرهێنەرە کرابوو، بەڵام تا ئێستا هۆکاری کوشتنەکەی ئاشکرانەکراوە.
