ئێوارەی ئەمڕۆ لە كاتی داخستنی بازاڕی ئاڵوگۆڕی دراودا بەهای دۆلار بەرامبەر بە دینار دابەزینی بەخۆوە بینی.
بەیانی ئەمڕۆ بەهای 100 دۆلار بە 160 هەزار و 700 دینارە، بەڵام لەكاتی داخستنی بازاڕی ئاڵوگۆڕی دراودا بەهای 100 دۆلار بە 160 هەزار و 650 دینار مامەڵەی پێوەكراوە.
لە چەند رۆژی رابردوودا بانكی ناوەندیی عێراق رێنمایی نوێی دەركرد و داوایكرد ئاسانكاری لە پێدانی دۆلار بە گەشتیاران بكرێت و دۆلاریان بە نرخی فەرمی پێبدرێت.
هەرچەندە حكومەت و بانكی ناوەندیی عێراق چەند رێوشوێنێكیان بۆ دابەزاندنی بەهای دۆلار بەرامبەر دینار گرتووەتەبەر، بەڵام بە پێچەوانەوە بەهای دۆلار بەرزبوونەوەی بەخۆوە بینیوە.
