لەناو بازاڕی پردێ هاوڵاتییەك كوژرا و سەرچاوەیەكی ئاگاداریش وردەكاریی رووداوەكە ئاشكرادەكات.
نیوەڕۆی ئەمڕۆ لەناو بازاڕی شارۆچکەی پردێ لەلایەن چەکدارێکەوە دوكاندارێك بەناوی (وەستا غازی) درایە بەر گولـلە و كوژرا.
سەرچاوەیەكی ئاگادار بە تۆڕی میدیایی ئێستای راگەیاند، قوربانییەكە پێشتر كەسێكی لە هەولێر كوشتووە، لەسەر ئەو دۆسیەیە سزادراوە و زیندانیكراوە، پاش دەرچوونیشی لە زیندان ماڵی بۆ پردێ گواستووەتەوە.
ئەوەشی وت، “گوماندەكرێت رووداوەكە تۆڵەكردنەوە بێت و لەلایەن كەسوكاری كوژراوەكەوە، كوژرابێتەوە”.
دوابەدوای رووداوەكە هێزە ئەمنییەكان گەیشتن و دەستیان بە لێكۆڵینەوە كردووە.
