كۆلێجی پزیشكیی زانكۆی گەرمیان بە فەرمی لە رێكخراوی كۆلێجە پزیشكییەكانی زانكۆكانی جیهان-دا تۆماركرا.
وەزاڕەتی خوێندنی باڵا و توێژینەوەی زانستیی هەرێم بڵاویكردەوە، بە تۆماركردنەكەی، کارئاسانى بۆ دەرچووانى كۆلێجەكە دەکرێت درێژە بە خوێندن بدەن و بەشدارى لە پرۆگرامەکانى راهێنان لە زانکۆکانى جیهاندا بکەن.
وەزارەتی خوێندنی باڵا هەنگاوەكە بە “دەستكەوتی زانستی” ناودەبات و هیواشدەخوازێت ببێتە سەرەتایەك بۆ ئەوەی كۆلێجەكە لە سەرجەم رێکخراو و دامەزراوەکانى دیکەى جیهان تۆماربکرێت.
