بڕیارە سەرۆك وەزیرانی عێراق بە سەردانێكی فەرمی بگاتە روسیا و لەگەڵ سەرۆكی ئەو وڵاتە كۆببێتەوە.
نوسینگەی رۆژنامەوانیی كرملین بڵاویكردەوە، سبەی سێشەممە ڤلادیمێر پوتین لە كرملین لەگەڵ محەمەد شیاع سودانی، سەرۆك وەزیرانی عێراق كۆدەبێتەوە.
بەپێی راگەیەندراوەكە پوتین و سودانی دۆخی رۆژهەڵاتی ناوەڕاست و پەرەپێدانی هەماهەنگیی روسیا-عێراق تاوتوێدەكەن.
بەپێی میدیا ناوخۆییەكانی عێراق هەردوو وڵات گفتوگۆ لەبارەی هەماهەنگی لە هەردوو بواری ئابوری و سیاسیدا دەكەن.
