پێشنیوەڕۆی ئەمڕۆ بۆمبێکی چێنراو لە نزیک قەزای داقوق بە هێزێکی حەشدی شەعبیدا تەقییەوە و دوو ئەندامیان برینداربوون.
پەیامنێری تۆڕی میدیایی ئێستا گواستییەوە، “لە ناوچەی وادی شای سەر بەقەزای داقوق لە کاتی گەڕان و پشکنیندا، بۆمبێکی چێنراو بە هێزێکی حەشدی شەعبیدا تەقیوەتەوە”.
بەپێی زانیارییەکان دوو ئەندامی هێزەکانی حەشدی شەعبی برینداربوون و دۆخی تەندروستیی یەکێکیان ناجێگیرە.
لە بەرەبەیانی ئەمڕۆوە هەر یەک لە سوپای عێراق و حەشدی شەعبی هەڵمەتێکی گەڕان و پشکنینیان بۆ ئەندامانی داعش لە قەزای داقوق دەستپێکردووە.
