بڕیارە بە سەرپەرشتیی بافڵ جەلال تاڵەبانی، سەرۆكی یەكێتیی نیشتمانیی كوردستان ئەنجومەنی نوێی سەركردایەتیی ئەو حزبە، ئەمڕۆ درێژە بە کۆبوونەوەکەی خۆی بدات.
ئەوەش لە کاتێکدایە، رۆژی 8ی مانگ یەكەمین كۆبوونەوەی ئەنجومەنی نوێی سەرکردایەتی یەکێتی لەدوای کۆنگرە بەڕێوەچوو و تێیدا بڕیاردرا کە کۆبوونەوەکە رۆژی 9ی تشرینی یەکەمیش بەردەوامبێت.
لە كۆبوونەوەی دوێنێی ئەنجومەنی سەركردایەتیی یەکێتیدا، ئەركە حزبی و رێكخراوەییەكان گفتوگۆیان لەبارەوەكرا و جەخت لە پابەندبوون بە ژیان و گوزەرانی خەڵك و مووچەی فەرمانبەرانی هەرێم كرایەوە كە كاری لەپێشینەی سەركردایەتی دەبێت.
