لە راگەیەندراوێکدا بانکی ناوەندیی عێراق دەڵێت، “بەپێی ئەو خشتەیەی لە نێوان ئێمە و بانکی فیدراڵی ئەمەریکا هەیە، حەواڵەکردنی دۆلار بەردەوامە”.
بانکی ناوەندی عێراق جەخت لەوە دەکاتەوە حەواڵەکردنی دۆلار بۆ بانکەکەیان لەلایەن بانکی فیدراڵی ئەمریکاوە بەردەوامە و رایدەگەیەنێت، “بەپێی خشتەیەکی دیاریکراو و کاتی ڕێککەوتنی نێوان هەردوو دامەزراوەکە ناردنی دۆلار بەردەوامە و دوێنێش ئەو بڕەی پێویستبوو لەکاتی خۆیدا وەرگیراوە”.
دەشڵێت، “هەموو ئەو هەواڵ و ڕاپۆرتە میدیاییانە ڕەتدەکەینەوە کە باس لە وەستاندن یان کەمکردنەوەی دۆلاری نەختینە دەکەن کە دەنێردرێت بۆ بانکەکەمان لەلایەن ئەمریکاوە”.
