کەشناسیی هەرێم: پلەکانی گەرما بەرزبوونەوە بەخۆیانەوە دەبینن

بەڕێوەبەرایەتیی کەشناسیی هەرێم بڵاویکردەوە، لە سبەینێوە پلەکانی گەرما بەرزبوونەوە بەخۆیانەوە دەبینن.

بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ پێنجشەممە ئاسمان بە گشتی نیمچە هەور دەبێت، پلەکانی گەرما بە گشتی نزیک دەبێتەوە بە بەراورد بە تۆمارەکانی دوێنێ.

ئاشکراشیکرد، سبەینێ هەینی ئاسمان لەنێوان پەڵە و ساماڵ دەبێت، پلەکانی گەرما بەرزدەبیتەوە بە (1-2 ) بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو لە هەولێر 29 پلەى سیلیزى، سلێمانی  27 پلەى سیلیزى، دهۆک 26 پلەى سیلیزى، کەرکوک 30 پلەى سیلیزى، هەڵەبجە 28 پلەى سیلیزى، زاخۆ 26 پلەى سیلیزى، حاجی ئۆمەران 21 پلەى سیلیزى، سۆران 25 پلەى سیلیزى و گەرمیان 30  پلەى سیلیزى دەبێت.