نێچیرڤان بارزانی: جه‌خت له‌ یەکڕیزی دەکەینەوە کە ویستی زیندووی سەرۆک مام جەلال بوو

نێچیرڤان بارزانی سەرۆکی هەرێمی کوردستان لە ساڵڕۆژی کۆچیدوایی مام جەلالدا لە پەیامێکدا رایگەیاند، به‌ ڕێز و پێزانینه‌وه‌ له‌ خه‌بات و تێکۆشانی له‌پێناو ئازادی و مافه‌کانی گه‌لی کوردستان و عێراقدا ده‌ڕوانین.

نێچیرڤان بارزانی لە بەشێکی دیکەی پەیامەکەیدا ئاماژەی بەوەکرد، له‌م یاده‌دا جه‌خت له‌ یەکڕیزی و لێكگه‌يشتن و ته‌بايى و چاره‌سه‌ركردنى كێشه‌كان و پاراستنى به‌رژه‌وه‌نديى گشتى ده‌که‌ینەوە کە ئامانج و ویستی زیندووی سەرۆک (مام جەلال)یش بوو.