سەعدی ئەحمەد پیرە ئەندامی كۆنگرەی یەكێتی لە لێدوانێكی رۆژنامەوانیدا كە پەیامنێری تۆڕی میدیایی ئێستا ئامادەی بوو رایگەیاند، سەرۆكی یەكێتی هەموو شتێك بە راوێژ دەكات و پەیڕەوی ناوخۆی یەكێتی جێبەجێدەكات.
راشیگەیاند، 20 ماددەی پەیڕەوی ناوخۆی یەكێتی ماوە كە چاوەڕواندەكرێت سبەی پەسەندبكرێن و دەنگ لەسەر ماددەكان بدرێن.
ئاماژەی بۆ ئەوەش كرد، كۆنگرەكانی پێشتر زیاتر لە 10 رۆژی خایاندووە و ئەم كۆنگرەیە كە پێنج رۆژی پێدەچێت بە بەراورد بە كۆنگرەكانی پێشتریش گفتوگۆی زیاتری تێدا کراوە لە هەمانكاتدا كارەكانی كۆنگرە بە باشی بەڕێوەدەچن.
