ئەندامێکی کۆنگرەیی پێنجەمی یەکێتی جەخت لەوە دەکاتەوە، “گفتوگۆکردن لەسەر پەیڕەوی ناوخۆ بەردەوامە و کارەکان بەشێوەیەکی ئازادانە و دیموکراسیانە بەڕێوەدەچێت”.
رەنگین عەبدوڵا، ئەندامی کۆنگرەی پێنجەمی یەکێتی لە لێدوانێکی رۆژنامەوانیدا رایگەیاند، “تا ئێستا کۆنگرەیەکی سەرکەوتوو بەڕێوەچووە، رێکارەکان بە شێوەیەکی دیموکراسی بەردەوامە و هەموو ئەندامێک بە ئازادانە بۆچوونی خۆی دەربڕیووە و ئازادییەکی زۆر لەم کۆنگرەیەدا هەیە”.
ئەندامەکی کۆنگرەی یەکێتی دەڵێت، “دەمانەوێت یەکێتییەکی نوێ و کۆدەنگ لە بڕیاردا لە دوای کۆنگرە دروستببێت بۆیە بە شێوەیەکی ورد و کاتێکی زۆر سەرقاڵی گفتوگۆکردنی پەیڕەوی ناوخۆ دەبین”.
سەبارەت بە پرسی گەنجان لە ناو یەکیتێدا رەنگین عەبدوڵا دەڵێت، “داینەمۆی هەموو حزبێک گەنجە، هەربۆیە گەنجان لە پێشینەی کارەکانی پەیڕەوی ناوخۆی یەکێتیدان”.
