وتەبێژی کۆنگرەی پێنجەمی یەکێتی رایدەگەیەنێت، “زۆرترین کات دەدرێت بە ئەندامانی کۆنگرە بۆ گفتوگۆکردن لەسەر تەواوی ماددە و بڕگەکانی پەیڕەوی ناوخۆ”.
تەلار لەتیف، وتەبێژی کۆنگرەی پێنجەمی یەکێتی، لە لێدوانێکیدا ئاماژەی بەوەکرد، “ماددەی 18 کە کۆنگرەی نائاسایی بوو دەنگی لەسەر درا، دواتر گفتوگۆ لەسەر ماددەی 19 دەکەین کە پلنیۆمە”.
ئەوەشی خستەڕوو، “چەندین ماددە هەیە دوای گفتوگۆکردن و وەرگرتنی راسپاردەکان لەلایەن ئەندامانی کۆنگرەوە، داڕشتنەوەیەکی دیکە بۆ دەکرێت و دواتر دەخرێتە دەنگدانەوە”.
وتەبێژەکەی کۆنگرەی پێنجەمی یەکێتی دەشڵێت، “دەرفەت و کاتی زیاتر دەدرێت بە ئەندامانی کۆنگرە چونکە لە 13 ساڵی رابردوودا دەرفاتی لەم شێوەیە نەبووە کە بەم شێوازە گفتوگۆ لەسەر پەیڕەوی ناوخۆ بکرێت”.
جەخت لەوەش دەکاتەوە، “هیچ دەنگۆیەکی چەواشەکاریی کار لەسەر کۆنگرەکە ناکات، ئەندامانی کۆنگرە مافی خۆیانە ئەو راسپاردە و پێشنیارانەی هەیانە کاری لەسەر بکرێت”.
