ئەمریکا لە ژمارەیەکی پێوانەییدا زیاتر لە یەک ملیۆن تووشبووی کۆرۆنای لە ڕۆژێکدا تۆمارکرد

داتاکانی زانکۆی جۆنز هۆبکنزی ئەمریکی ئاشکرایانکردووە، دوێنێ دووشەممە ئەمریکا نزیکەی یەک ملیۆن و 84 هەزار تووشبووی کۆرۆنای تۆمارکردووە، کە ئەوەش زۆرترین ژمارەی تۆمارکراوە لە ڕۆژێکدا لە سەرەتای سەرهەڵدانی پەتاکەوە تا ئێستا.

ئەمریکا بە تۆمارکردنی ئەو ژمارەیە، ژمارەی پێوانەیی پێشتری تێپەڕاند کە 590 هەزار تووشبوو بوو لە یەک ڕۆژدا لە مانگی کانونی یەکەمی ساڵی ڕابردوودا، دوای بڵاوبوونەوەی گۆڕاوی ئۆمیکرۆن لەو وڵاتە.

ئاژانسی بلومبێرگ بڵاویکردەوە، لەگەڵ ئەوەشدا ژمارەیەکی زۆر لە هاوڵاتییان لە ماڵەکانیان پشکنینی کۆرۆنا دەکەن بەبێ ئەوەی تووشبووەکان تۆماربکرێن.

لە سەرەتای بڵاوبوونەوەی ڤایرۆسی کۆرۆناوە تا ئێستا 56 ملیۆن تووشبووی کۆرۆنا لە ئەمریکا تۆمارکراون و زیاتر لە 820 هەزار گیانلەدەستدانیش بەو هۆیەوە تۆمارکراون.

بابەتی پێشتر

هاندەرانی ڕیاڵ مەدرید بۆ ئەنچلۆتی: هەڵەکەی زێدان ڕاستبکەرەوە

بابەتی دواتر

لێكۆڵینەوەیەك: بەرهەمی ڕۆژانەی فەرمانبەرێكی عێراقی تەنها 17 خولەكی كاركردنە

بابەتی پەیوەندیدار
Total
0
Share