شاندی هەرێمی کوردستان وردەکاریی سەردانەکەی بۆ بەغداد لەگەڵ پەرلەمان تاوتوێدەکات

شاندی هەرێمی کوردستان بۆ دانوستان لەگەڵ بەغداد، ئەمڕۆ دووشەممە 28ی کانونی یەکەم، سەردانی پەرلەمانی کوردستان دەکات و وردەکاریی سەردانەکەی بۆ لیژنە پەیوەندیدارەکان  و سەرۆکایەتیی پەرلەمان دەخاتەڕوو.

لە لێدوانێکدا بۆ تۆڕی میدیایی ئێستا زیاد جەبار، سەرۆکی لیژنەی دارایی لە پەرلەمانی کوردستان وتی، “شاندی هەرێمی کوردستان ئەمڕۆ کاتژمێر 11:00ی پێشنیوەڕۆ سەردانی پەرلەمانی کوردستان دەکەن، بۆ گفتوگۆ کردن لەسەر سەردانی ئەمجارەی شاندەکە کە ماوەیەکی زۆر مانەوە لەبەغداد و سەرۆکی سەرۆکی شاندەکە، قوباد تاڵەبانی چووە پەرلەمانی عێراق”.

زیاد جەبار وتیشی، “شاندەکە لەگەڵ سەرۆکایەتیی پەرلەمان، لیژنەی دارایی، لیژنەی وزە و سەرۆکی فراکسیۆنەکان کۆدەبێتەوە و ڕونکردنەوە لەسەر کۆبوونەوەکان و ئەنجامی سەردانەکەیان دەدەنە پەرلەمان”.

لە ڕۆژی 9ی کانونی یەکەم شاندێکی هەرێمی کوردستان بە سەرۆکایەتیی قوباد تاڵەبانی، جێگری سەرۆکی حکومەت سەردانی بەغدادیان کرد، دوای دانیشتن و گفتوگۆکردن لەگەڵ حکومەت، لایەنە سیاسییەکان و پەرلەمانی عێراق شاندی هەرێمی کوردستان ڕایگەیاند کە لەگەڵ بەغداد لەسەر ناردنی پشکی هەرێم لە بودجەی ساڵی داهاتوودا ڕێککەوتوون.

ڕۆژی 22ی کانونی یەکەم لە کۆنگرەیەکی ڕۆژنامەوانیدا، قوباد تاڵەبانی ڕایگەیاند،  توانیمان لەگەڵ حكومەتی ناوەند بگەینە ڕێككەوتن دەربارەی پرۆژەیاسای بودجەی ساڵی 2021 کە ڕێژەی بودجەی هەرێم دیاریكراوە دوای دەركردنی خەرجییەكان و بودجەی حاكیمە و سیادی كە “كەمترە لەوەی پێشبینیمان دەكرد و بە مافی خۆمانی دەزانین و بڕەكەشی 12.67%ە كە پێشتریش لە پرۆژەكانی ڕابردوودا هەبووە”.

قوباد تاڵەبانی، دوپاتیشیكردەوە كە گفتوگۆكانیان لە بەغداد بەردەوام دەبێت ئەوەشی وت، پرسی هەرێم تەنها موچە و بودجە نییە، بەڵكو چەندین دۆسیەی دیكە هەیە دەبێت گفتوگۆیان لەسەر بكەین.

بابەتی پێشتر

وردەکاری گرانبوونی غازی ماڵان

بابەتی دواتر

دۆلار بەرزبووەوە

بابەتی پەیوەندیدار
زیاتر ببینە

بەهۆی کێشەی کارەباوە مامەڵەی بەشێک لە هاوڵاتییان لە بەڕێوەبەرایەتیی هاتوچۆ رایینەکرا

بەڕێوەبەرایەتیی هاتوچۆی سلێمانی بڵاویکردەوە، ئەمڕۆ بەهۆی کێشەی نەبوونی کارەباوە مامەڵەی بەشێک لە هاوڵاتییان لە بەڕێوەبەرایەتییەکە رایینەکراوە. لە راگەیەندراوێکی…
Total
0
Share