هەڤاڵ ئەبوبەکر پارێزگاری سلێمانی داوا لە هاوڵاتییان دەکات لەگەڵ هاتنی وەرزی پایز چێکی سیستمی غاز و شۆفاژەکانیان بکەنەوە.
هەڤاڵ ئەبوبەکر رایگەیاندووە، “لەگەڵ هاتنی وەرزی پاییزدا، دڵنیاتان دەکەینەوە، کە فەرمانگا پەیوەندیدارە حکومییەکان، لە هەموو بوارە خزمەتگوزارییەکاندا بەردەوامن لە ئەرکی دڵسۆزانەی خۆیان و چاودێریی و بەدواداچوونی پێویست و بەردەوام بۆ هەموو بوارە خزمەتگوزارییە گشتییەکان دەکەن و رێکاری یاسایی پێویست دەگرنەبەر”.
داواشی لە هاوڵاتییان کردووە، “چێکی دڵنیایی تەواو بۆ سیستمی غاز و شۆڤاش و سەری کونج و مەنهۆڵ و ئاوەڕۆ و تانکی سەربان بکەنەوە، لە بوونی هەرکێشە و ناتەواوییەک لەم بوارانەی باسکران، لەکۆڵان و گەڕەکەکاندا پەیوەندیی بە فەرمانگەی پەیوەندیدارەوە بکەن”.
