لە بارەی پێنجەمین کۆنگرەی یەکێتی محەمەدی حاجی مەحمود رایدەگەیەنێت، “ئومێدی سەرکەوتن بۆ کۆنگرەی یەکێتی دەخوازم و هیوادارم بڕیارەکانیان بە ئاراستەی کۆکردنەوەی لایەنەکان بێت”.
محەمەدی حاجی مەحمود، سەرۆكی حزبی سۆسیالیست دیموكراتی كوردستان لە میانەی بەشداریکردنی لە کۆنگرەی پێنجەمی یەکێتی، لە لێدوانێکیدا وتی، “ئومێدی سەرکەوتن بۆ کۆنگرەی یەکێتی دەخوازم، هیوادارم ببێتە دەستپێکێکی نوێ بۆ کۆکردنەوەی لایەنە سیاسییەکانی کوردستان”.
دەشڵێت، “هیوادارم یەک هەڵوێستی سیاسی دروستببێت بۆ چارەسەرکردنی ئەو کێشە و قەیرانانەی کە ڕووبەڕووی هەرێمی کوردستان دەبێتەوە”.
