کونسوڵی ئەمریکا لە هەرێم دوای کۆبوونەوەی لەگەڵ ژمارەیەک رۆژنامەنووس نیگەرانی خۆی لە بارودۆخی ئازادیی راگەیاندن لە کوردستان دەربڕی.
مارک سترۆ کونسوڵی گشتیی کونسوڵخانەی ئەمریکا لە هەرێمی کوردستان لەگەڵ ڕۆژنامەنووسانی ژمارەیەک ناوەندی ڕاگەیاندنی سەربەخۆ کۆبووەوە و لە گفتوگۆکانیاندا دەستخۆشی لە ڕۆژنامەنووسەکان کرد لە بەرامبەر هەوڵە بەردەوامەکانیان بۆ ڕوماڵکردنی بێلایەنانەی رووداوەکانی هەرێمی کوردستان.
ئاماژەی بەوەشکردووە، “بەردەوامین لە نیگەرانیەکانمان دەربارەی پاشەکشەی ئەم دواییانەی ئازادیی ڕاگەیاندن، کە خۆی لە دەستبەسەرکردنی هەڕەمەکیانەی رۆژنامەنووسان و پشکنینی نایاسایی ئامێرەکانیان و کەموکوڕیی لە جێبەجێکردنی یاسای کاری ڕاگەیاندن و یاسای مافی بەدەستهێنانی زانیاریی هەرێمی کوردستان دەبینێتەوە”.
