بەیانی ئەمڕۆ کرێکارێک لە یەکێک لە پرۆژەکانی نیشتەجێبوون لە سلێمانی کەوتەخوارەوە و گیانیلەدەستدا.
سامان نادر لێپرسراوی سەنتەری فریاکەوتنی سلێمانی 122 بە تۆڕی میدیایی ئێستای راگەیاند، “کەمێک لەمەوبەر پێیان راگەیاندین لە یەکێک لە پرۆژەکانی نیشتەجێبوون لە کاتی کارکردندا کرێکارێک کەوتووەتەخوارەوە و دەستبەجێ گیانیلەدەستداوە”.
ئاماژەی بەوەشکرد، “تیمەکانمان چوونەتە شوێنی رووداوەکە و تەرمەکە دەگوازنەوە بۆ پەیمانگەی پزیشکی داد”.
ئاشکراشیکرد، “قوربانییەکە ناوی دیارە و تەمەنی 34 ساڵانە و بەپێی ئەو زانیارییانەی بە ئێمەیانداوە جگە لە کاری کرێکارییەکەی پێشمەرگە بووە”.
