بومەلەرزەیەک بە گوڕی4.6 پلە بە پێوەری رێختەر پارێزگای مەرەشی باشووری رۆژهەڵاتی تورکیای هەژاند.
ئیدارەی کارەسات و باری لەناکاوی تورکیا (ئافاد بڵاویکردەوە)، “بومەلەرزەکە لە ناوچەی گۆکسۆن لە قوڵایی 8.48 کیلۆمەتری ناخی زەوی روویداوە”.
تا ئێستا هیچ زانیارییەک لەبارەی زیانەکانی بومەلەرزەکەوە ئاشکرانەکراون.
پارێزگای مەرەش لە بومەلەرزەکەی مانگی شوباتی ئەمساڵ زۆرترین زیانی بەرکەوت، لەو کاتەشەوە چەندین جاری دیکە بومەلەرزەی دیکە بە گوڕی لاوازتر لێیداوە.
