سەرچاوە ئەمنییەکانی قەزای شەنگال ئاشکرایانکردووە کە تەرمی ژن و مێردێک بە کوژراوی دۆزراونەتەوە و هۆکارەکەی نازانرێت.
میدیا عێراقییەکان لە زاری سەرچاوە ئەمنییەکانی قەزای شنگالەوە بڵاویانکردەوە، دوو تەرم دۆزراونەتەوە کە پیاوێک و ژنێکن و نازانرێت هۆکاری مردنیان چییە.
ئاماژە بەوە کراوە، “پۆلیسی شارەکە لە ناوچەی نێوان خانسور و چیای شنگال لە باکووری قەزاکە، دوو تەرمیان دۆزیەوە کە ژنێک و پیاوێک بوون”.
ئەو سەرچاوەیە دەڵێت، “ئەو دوو تەرمە هی ژن و مێردێکن کە لە بارودۆخێکی نهێنیدا گیانیان لەدەستداوە و گواستراونەتەوە بۆ بەشی پزیشکیی دادوەری”.
راشیگەیاند، پەڕاوی لێکۆڵینەوە بۆ دیاریکردنی هۆکاری رووداوەکە کراوەتەوە”.
