بڕیارە ئەمڕۆ لە سەرجەم مەڵبەند و مەكتەبەكانی یەكێتی هەڵبژاردن بۆ ئەندامانی كۆنگرەی پێنجەم ئەنجامبدرێت.
تەلار لەتیف، وتەبێژی كۆنگرەی پێنجەم و ئەندامی كۆمسیۆنی باڵای ئامادەكاری كۆنگرە رایگەیاند، ئەمڕۆ لە كاتژمێر 8ی بەیانییەوە تا كاتژمێر 4ی ئێوارە لە سەرجەم مەڵبەند و مەكتەبەكان نوێنەرانی كۆنگرە هەڵدەبژێرێن.
بڕیارە چوارشەممەی داهاتوو 27ی ئەیلول پێنجەمین كۆنگرەی یەكێتیی نیشتمانیی كوردستان لەژێر دروشمی (نوێگەری لە كاردا، كۆدەنگی لە بڕیاردا) بەڕێوەبچێت.
جگە لە نوێنەرانی هەڵبژێردراو، ئەندامانی هەریەك لە ئەنجومەنی سەركردایەتیی ئێستا و پێشوو، ئەنجومەنی باڵای سیاسی، دەستەی دامەزرێنەران و پێشمەرگەكانی 76 بە راستەوخۆ دەبنە ئەندامی كۆنگرە.
