بەڕێوەبەرایەتیی نەهێشتنی ماددە هۆشبەرەکان دەستگیركردنی سێ تۆمەتبار و دەستبەسەراگرتنی یەك كیلۆگرام ماددەی هۆشبەر رادەگەیەنێت.
بەڕێوەبەرایەتییەكە رایگەیاند، ئەمڕۆ تیمێکیان بە هاوکاری بەڕێوەبەرایەتیی ئاسایشی هەولێر و کەرکوک توانیان سێ تۆمەتباری مەترسیدار لە هەولێر دەستگیربکەن کە پێشینەی تاوانیان هەیە و کاری کڕین و فرۆشتن بە ماددەی هۆشبەریشەوە دەکەن.
لەو چالاکیەدا بڕی یەک کیلۆگرام ماددەی هۆشبەر لە جۆرەکانی کریستاڵ، تریاک و جامایکا لەگەڵ بڕێک پارەی ساختە و ژمارەی ئۆتۆمبێلی ساختە لەگەڵ رومانەیەک و چەند چەکێکی جۆراوجۆردەستیان بەسەرداگیرا.
بەڕێوەبەرایەتیی نەهێشتنی ماددە هۆشبەرەکان ئەوەشی خستەڕوو، تۆمەتباران پەڕاوی لێکۆڵینەوەیان بۆ کرایەوە و رووبەڕووی یاسا دەکرێنەوە.
