نیوەڕۆی ئەمڕۆ لە شاری هەولێر تەرمی هاوڵاتییەک لە ماڵەکەی خۆیدا دۆزرایەوە و بەپێی زانیارییە سەرەتاییەکان لە شەوی رابردووەوە کوژراوە.
پەیامنێری تۆڕی میدیایی ئێستا گواستییەوە، “کاتژمێر 12:00 ی نیوەڕۆی ئەمڕۆ هێزەکانی پۆلیس لە بوونی تەرمێک لە ماڵێکدا ئاگادارکراونەتەوە و دوای گەیشتنی تیمەکان دەرکەوتووە لە درەنگانی شەوی رابردووەوە کوژراوە”.
ئاماژەی بەوەشکرد، “بە وتەی کەسوکاری قوربانییەکە، ناوبراو شەوی رابردوو لەلایەن زاوایەکی خۆیانەوە، واتە هاوسەری خوشکەکەیەوە کوژراوە”.
تا ئێستا پۆلیسی هەولێر هیچ روونکردنەوەیەکی لەبارەی رووداوەکە و دەستگیرکردنی تۆمەتبارەکەوە بڵاونەکردووەتەوە.
