ئامارێکی ئەم دواییە کە لەلایەن رێکخراوی نێودەوڵەتیی ” S Money”ـەوە ئەنجامدراوە ئاشکرایکردووە، تاکی عێراقی ساڵانە پێویستی بە 66 هەزار دۆلار هەیە بۆ ئەوەی بتوانێت “ژیانێکی خۆش” بژی.
بەپێی ئامارەکە، کە 174 وڵاتی جیهانی لەخۆگرتبوو، لەنێویاندا عێراق، تیشکی خستووەتە سەر تێچووی “ژیانێکی بەختەوەر” لەو وڵاتانەدا.
عێراق لە ریزبەندیی “وڵاتانی سوور-زەرد”دایە، واتە “ئەو وڵاتانەی کە پێویستیان بە پارەیەکی زۆرە بۆ ئەوەی بە خۆشی بژین”.
بەپێی ئەمە تاکێک لە عێراق ساڵانە پێویستی بە 66 هەزار دۆلار هەیە بۆ ئەوەی “ژیانێکی بەختەوەر” بژی، کە یەکسانە بە پێنج هەزار و 500 دۆلار لە مانگێکدا.
کۆمپانیای “S Money” کۆمپانیایەکی جیهانییە و لە ساڵی 2019 دامەزراوە و لە بواری خزمەتگوزاریی بانکیدا کاردەکات و بارەگا سەرەکییەکەی لە شاری مێڵبۆرنە ئوسترالیا.
