لە کاتی کارکردن لە هەولێر سێ کرێکار تەزووی کارەبا دەیانگرێت و دووانیان بریندار دەبن و یەکێکیشیان گیانلەدەستدەدات.
بەرەبەیانی ئەمڕۆ لە هەولێر لەناو بینای ئەنجومەنی وەزیران سێ کرێکار لەکاتی تێکردنی سەقفی هۆڵێک لەناو بیناکە تەزووی کارەبا دەیانگرێت و یەکێکیان گیانلەدەستدەدات و دووانیشیان برینداردەبن کە یەکێکیان باری تەندروستی ناجێگیرە.
ئەو کرێکارەی کە گیانیلەدەستداوە خێزاندارە و خاوەنی دوو منداڵە و دانیشتووی هەریرە.
ئامارەکانی سەندیکای کرێکاران ئاماژە بەوە دەکەن کە بەم کرێکارەی ئەمڕۆوە لەم ساڵدا هەشت کرێکار گیانیانلەدەستداوە و 14 کرێکاری تریش لە کاتی کارکردن برینداربوون.
