ئەو زانا ئەمریکییەی ماوەی زیاتر لە هەفتەیەک بوو لە ئەشکەوتێکی تورکیا گیریخواردبوو رزگارکرا و بۆ نەخۆشخانە گواسترایەوە.
میدیاکانی تورکیا بڵاویانکردەوە، “مارک دیکی زانا و پشکنەری ئەمریکی کە ماوەی زیاتر لە هەفتەیەک بوو لە ئەشکەوتێکی باشووری تورکیا لە قوڵایی یەک کیلۆمەتری زەوی بەهۆی نەخۆشکەوتنییەوە گیریخواردبوو رزگارکرا و گواسترایەوە بۆ نەخۆشخانەی مێرسین”.
ئەو زانا ئەمریکیەی دوای ئەوەی بەڕێکەوتبوو بۆ ئاشکراکردنی ئەشکەوتی مۆرکی کە سێیەمین ئەشکەوتی قووڵی تورکیایە، تووشی خوێنبەربوونی گەدە بووبوو و بەو هۆیەوە نەیدەتوانی لەو قوڵاییە زۆرەی ئەشکەوتەکە بێتە دەرەوە و خۆی رزگاربکات.
لە شەممەی رابردووەوە پرۆسەی رزگارکردنی زاناکە بە بەشداریی 200 کەس دەستیپێکرد.
