لیژنەی دارایی پەرلەمانی عێراق لەسەر مووچەی فەرمانبەرانی هەرێم وەزیرانی دارایی عێراق و هەرێم بانگهێشت دەكەن.
د. بڕیار رەشید پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لیژنەی دارایی عێراق لەسەر بابەتی مووچە و پشكی هەرێمی كوردستان وەزیرانی دارایی عێراق و هەرێمی كوردستان بانگهێشتی لیژنەكەیان دەكەن.
ئاماژەی بۆ ئەوەش كرد، ئامانجی بانگهێشتكردنە دۆزینەوەی چارەسەرێكە بۆ كێشەی مووچەخۆرانی هەرێم و دواتر بانگهێشتی ئەنجومەنی نوێنەرانی عێراق دەكرێن.
جێی ئاماژە بۆكردنە ئەمڕۆ دانیشتنەكانی ئەنجومەنی نوێنەرانی عێراق دەستیپێكردەوە، تائێستا پشكی هەرێمی كوردستان بەپێی یاسای بودجە نەنێردراوە.
