خواردنەوەی چای سەوز لەگەڵ سوودە زۆرەکانی، بەڵام ئەگەر سنووری تێپەڕاند پێچەوانە دەبێتەوە و زیانی زۆری دەبێت و دەبێتەهۆی مەترسی.
چای سەوز یارمەتی پاڵپشتی زانین و پاراستنی کێشی مامناوەند دەدات، بەو پێیەی بە یەکێک لە تەندروستترین خواردنەوەکان دادەنرێت و چەندین سوودی تەندروستی هەیە.
لەگەڵ ئەوەشدا شارەزایان هۆشداری دەدەن لە زیادەڕۆیی کردن لە خواردنەوەی چای سەوزدا بەوپێیەی سوودەکانی پێچەوانە دەبێتەوە و مەترسیی تەندروستی دروستدەکات.
کاریگەریی لاوەکیی زۆر خواردنەوەی چای سەوز
وەک ئاماژەمان پێدا، سەرەڕای سوودە بێشومارەکانی، پێکهاتە چالاکەکانی ناو چای سەوز کە بریتین لە کافاین و دژە ئۆکسێنەر، ڕەنگە هەندێک کێشە دروستبکەن.
زیادەڕۆیی لە خواردنەوەی چای سەوز دەتوانێت ببێتە هۆی تووشبوون بەم کاریگەرییە لاوەکییانەی خوارەوە:
1-ئازاری گەدە
بە وتەی شارەزایان، زۆر خواردنەوەی چای سەوز دەبێتە هۆی داخورانی گەدە بەتایبەتی کاتێک لەسەر سکی بەتاڵ بخورێتەوە.
2-سەرئێشە:
ئەو کەسانەی تووشی شەقیقە دەبن، پێویستە خۆیان لە زیادەڕەوی کردن لە خواردنەوەی چای سەوز بەدوور بگرن، چونکە لەوانەیە ببێتە هۆی سەرئێشەی توند.
3- کەمخەوی
هەرچەندە چای سەوز بڕێکی زۆر کەمی کافاین لەخۆدەگرێت، بەڵام زیادەڕۆیی لە خواردنەوەیدا لەوانەیە ببێتە هۆی خراپی خەوتن، ئەمەش کێشەی تەندروستیی دیکە زیاتر گەورەتر دەکات.
4- دەبێتە هۆی کەمی ئاسن
بەپێی توێژینەوەکان چای سەوز ماددەی دژە ئۆکسانی تێدایە کە رێگری لە هەڵمژینی ئاسن لە جەستەدا دەکات و لەوانەیە ببێتە هۆی کەمی ئاسن، شارەزایان ئامۆژگاریی زیادکردنی ئاوی لیمۆ بۆ چای سەوز دەکەن، چونکە رێژەی ڤیتامین سی لە لیمۆدا یارمەتی بەرزکردنەوەی مژینی ئاسن دەدات.
5- رشانەوە:
یەکێک لە کاریگەرییە لاوەکییە نەرێنییەکانی زیادەڕۆیی لە خواردنەوەی چای سەوز ئەوەیە کە دەبێتە هۆی سکچوون و رشانەوە بەهۆی بوونی پێکهاتەی L-theanine.
- سەرگێژخواردن:
ئەو کافاینەی لە چای سەوزدا هەیە دەبێتە هۆی کەمکردنەوەی رۆیشتنی خوێن بۆ مێشک، ئەمەش دەبێتە هۆی هەستکردن بە سەرگێژخواردن.
7- تێکچوونی جگەر:
زۆر خواردنەوەی چای سەوز دەبێتە هۆی کەڵەکەبوونی کافاین، ئەمەش رەنگە ببێتە هۆی فشاری جگەر و زیان گەیاندن پێی.
8- پووکانەوەی ئێسک
هەندێک پێکهاتە کە لە چای سەوزدا هەیە رێگری لە هەڵمژینی کالیسیۆم دەکات، ئەمەش دەبێتە هۆی لاوازبوونی ئێسکەکان، ئەمەش ئەگەری تووشبوون بە نەخۆشییەکانی ئێسک وەک پووکانەوەی ئێسک زیاد دەکات.
