لەدوای بڕیارێکی حکومەتی چین تایبەت بە قەدەغەکردنی بەکارهێنانی مۆبایلی ئایفۆن لەلایەن فەرمانبەرانی وڵاتەکەیەوە، کۆمپانیای ئەپڵ 200 ملیار دۆلار زیانی بەرکەوت.
حکومەتی چین لە بڕیارێکی نوێیدا رایگەیاند، بەکارهێنانی مۆبایلی ئایفۆن و هەر مۆبایلێکی بیانی لەلایەن فەرمانبەرانی وڵاتەکەیەوە بە مەبەستی کارکردن یان هەر مەبەستێکی تایبەتی قەدەغەیە.
لەدوای بڕیارەکە لە یەک رۆژدا ئەپڵ بە رێژەی %3 بەهای پشکەکانی لەدەستدا و لە دوو رۆژدا گەیشتە %6.4.
شەوی رابردوو نرخی هەر پشکێکی کۆمپانیاکە بۆ 177.56 دۆلار دابەزی، ئەمەش بەپێی داتاکانی ئاژانسی بلومبێرگ.
