وتەبێژی بەڕێوەبەرایەتیی بەرگریی شارستانیی سلێمانی رایدەگەیەنێت، دوای سێ رۆژ تەرمی گەشتیارە خنكاوەكەی ناو ئاوی دەریاچەی دوكان دۆزرایەوە.
ئارام عەلی وتەبێژی بەڕێوەبەرایەتیی بەرگریی شارستانیی سلێمانی لە لێدوانێكدا بە تۆڕی میدیایی ئێستای راگەیاند، كاتژمێر 12:30ی خولەكی نیوەڕۆی ئەمڕۆ هەینی لەلایەن تیمەكانی بەرگریی شارستانیی سلێمانییەوە تەرمی ئەو گەنجە دۆزرایەوە كە سێ رۆژ لەمەوبەر لە ئاوی دەریاچەی دوكاندا خنكابوو.
ئاماژەی بۆ ئەوەش كرد، ئەو گەنجە تەمەنی 17 ساڵ بووە و لە نەتەوەی عەرەب بووە و بۆ گەشت و سەیران رووی لە سەیرانگای دوكان كردبوو.
