بافڵ جەلال تاڵەبانی سەرۆكی یەكێتیی نیشتمانیی كوردستان بۆ كۆچی دوایی مامۆستا جەمال بابان پەیامێكی هاوخەمی بڵاوكردەوە و دەڵێت، ”مامۆستا جەمال بابان كەسایەتییەكی ناسراو و ناوێكی درەوشاوەی فەرهەنگ و مێژووی نەتەوەكەمان بوو، لە چەندین بواری جیاوازدا خزمەتی بەرچاوی پێشكەشكرد و یاد و یادەوەرییەكانی بۆ هەمیشە بەزیندوویی دەمێنێتەوە” .
دەقی پەیامەكەی سەرۆك بافڵ:
بەڕێزان خانەوادە و كەسوكاری نووسەر و رووناكبیر مامۆستا جەمال بابان
بەداخێكی زۆرەوە هەواڵی كۆچی دوایی مامۆستا جەمال بابانمان پێگەیشت.
بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و بنەماڵە سەربەرزەكەتان دەكەین و هاوبەشی خەمتانین.
مامۆستا جەمال بابان كەسایەتییەكی ناسراو و ناوێكی درەوشاوەی فەرهەنگ و مێژووی نەتەوەكەمان بوو، لە چەندین بواری جیاوازدا خزمەتی بەرچاوی پێشكەشكرد و یاد و یادەوەرییەكانی بۆ هەمیشە بەزیندوویی دەمێنێتەوە، لە خوای گەورە داواكارم مامۆستای كۆچكردوومان بە بەهەشتی بەرین شادبكات و سەبووری بەهەموولایەك ببەخشێت.
دڵسۆزتان
بافڵ جەلال تاڵەبانی
سەرۆكی یەكێتیی نیشتمانیی كوردستان
