دوای کۆبوونەوەی فەرماندە ئەمنییە باڵاکانی کەرکوک لەگەڵ سەرۆك هۆزەكانی ئەو پارێزگایە لیژنەیەکی باڵای عەشایەری بۆ بەدواداچوونی گرژی و ئاڵۆزییەکانی چەند رۆژی رابردووی شارەکە و دووبارە نەبوونەوەی رووداوێکی لەوشێوەیە پێکهێنرا.
هاوکات ئەو لیژنەیە ئامانجیان پاراستن و ئارامیی شارەکەیە و راسپێردراون بۆ باشترکردنی بارودۆخی کەرکوک و جەختدەکەنەوە کە شارەکەیان شاری پێکەوە ژیانە.
لەلایەکیترەوە وەقفی سوننە و شیعی بڕیاریاندا کە وتاری ئەم هەینییە تایبەت بکەن بە باسکردنی تەبایی و خۆشەویەستی لە نێوان پێکهاتەکاندا و هاوڵاتییان هانبدەن بۆ قبوڵکردنی یەکتری.
