کەمێک پێش ئێستا لە شاری هەولێر دەنگی تەقینەوەیەکی بەهێز بیسترا و هیچ زیانێکی گیانیی نەبووە.
بەپێی زانیارییەکانی تۆڕی میدیایی ئێستا، دەنگی تەقینەوەکە لە سەر شەقامی 60 مەتریی هەولێرەوە بووە و لەسەر یەکێک لە پردەکانی پەڕینەوەی هاوڵاتییان بووە.
هەرچەندە تا ئێستا لایەنی پەیوەندیدار هیچ زانیارییەکی لەبارەی دەنگەکەوە ئاشکرا نەکردووە، بەڵام بەپێی بەدواداچوونی تۆڕی میدیایی ئێستا شۆرتی کارەبای سەر پردەکە بووەتەهۆی تەقینەوە و دروستبوونی دەنگێکی بەهێز.
