بە بڕیاری بافڵ جەلال تاڵەبانی سەرۆكی یەكێتیی نیشتیمانی كوردستان و لە رێگەی مەكتەبی دارایی و ئیدارەی گشتی و بە گوژمەی 250 ملیۆن دینار بەشی هیماتۆلۆجی لە نەخۆشخانەی هیوا و بەشێكی سەنتەری سالاسیما نۆژەندەكرێتەوە.
بەپێی راگەیەندراوێكی نەخۆشخانەكە كە وێنەیەكی دەست تۆڕی میدیایی ئێستا كەوتووە و تێیدا هاتووە، بە بڕیاری بافڵ جەلال تاڵەبانی سەرۆكی یەكێتیی نیشتیمانیی كوردستان و لە رێگەی مەكتەبی دارایی و ئیدارەی گشتی و بە گوژمەی 250 ملیۆن دینار بەشی هیماتۆلۆجی لە نەخۆشخانەی هیوا و بەشێكی سەنتەری سالاسیما نۆژەندەكرێتەوە و كە ئەم بەشانە بە بەشێكی گرنگی نەخۆشخانە دادەنرێن و ئەم بەشە لە نەخۆشخانەی هیوا توانای مانەوەی نزیكەی 26 نەخۆش لەخۆ دەگرێت.
لە راگەیەندراوەكەدا هاتووە، لە ماوەی رابردووشدا لەلایەن بافڵ جەلال تاڵەبانی بەشی منداڵانی نەخۆشخانە و بەشی فریاكەوتنی نەخۆشخانە نۆژەنكرانەوە كە ئەم نۆژەنكردنەوانەش دەبێتە هۆی چارەسەركردنی ئاستەنگەكان و كار ئاسانیی زیاتر بۆ تووشبوانی شێرپەنجە لە نەخۆشخانەی هیوا و گەڕانەوەی هیوایە بۆ تووشبوانی شێرپەنجە.
