ئێوارەی ئەمڕۆ هێزێکی فیرقەی 11ـی سەر به سوپای عێراق بە 15 ئۆتۆمبێلی سەربازییەوە هەڵیكوتایەسەر گوندی تۆپزاوە.
ساتیع ناسیح، نوێنەری جوتیارانی کورد و تورکمانی گوندی تۆپزاوە بە تۆڕی میدیایی ئێستای وت، هێزەکە هاتنەسەر ئەو سەربازگە کۆنەی لە ساڵی 1988دا بڕیاری ئەنفالکردنی تیادا ئەنجامدرا و، ئاشكرایانكرد كە دەیانەوێت لێی جێگیربن و بیکەنە سەربازگە.
وتیشی، “هێزەكە پاش ماوەیەك رۆیشتن و ناوچەكەیان جێهێشت، بەڵام ئەگەری هەیە سبەی جارێكی دیكە بگەڕێنەوە و فشارەكانیان لەسەر دانیشتووانی سەربازگەكە زیادبكەن”.
چەندین ساڵە لەلایەن هێزە جیاجیاكانەوە فشار لەسەر جوتیارانی كوردی ناوچەكە هەیە، كوردانی تۆپزاوە دەڵێن دەیانەوێت زەوییەكانیان داگیربكرێت و بكرێتە سەربازگە.
