وەزارەتی خوێندنی باڵا و توێژینەوەی زانستیی هەرێمی کوردستان، کردنەوەی خولێکی دیکەی بۆ پێشکەشکردنی خوێندنی دبلۆمی باڵا، ماستەر و دکتۆرا راگەیاند و نووسراویشی ئاراستەی سەرجەم زانکۆکانی هەرێمی کوردستان کرد.
لە نووسراوێکدا کە واژووی ئارام محەمەد قادر، وەزیری خوێندنی باڵا و توێژینەوەی زانستیی لەسەرە ئاراستەی سەرجەم زانکۆکانی هەرێمی کوردستانی کردووە، بەمەبەستی کردنەوە خولێک “راوندێک”ی دیکەی خوێندنی دبلۆمی باڵا، ماستەر و دکتۆرا لە زانکۆ حکومییەکانی هەرێمی کوردستان.
وەزارەتی خوێندنی باڵا و توێژینەوەی زانستی نووسراوی ژمارە ١٦٢٨١ لەبەرواری 27/8/2023 ئاراستەی زانکۆ حکومییەکانی هەرێمی کوردستان کردووە.
بەپێی نووسراوەکە، پێویستە ئەنجومەنی زانکۆ حکومییەکان تا بەرواری 1/10/2023 لەو کۆلێژ و بەشانەی مەرج و رێنمایەکانیان تێدایە و توانایان ھەیە پلانەکە پەسەند بکەن لەھەر پسپۆریەک ژمارەی کردنەوەی کورسیەکان دیاری بکەن و ئاراستەی وەزارەتی خوێندنی باڵا و توێژینەوەی زانستی بکرێت.
