شەوی رابردوو زنجیرەیەک تەقینەوە وێستگەیەکی سووتەمەنی غازی شل_ی لە ناوچەی کریڤیدیای نزیک بوخارستی پایتەختی رۆمانیای هەژاند و بەهۆیەوە لایەنی کەم کەسێک گیانیلەدەستداوە و 33 کەسی دیکەش برینداربوون.
تەقینەوەی یەکەم لە ناوخەزانی بەنزینی وێستگەکە روویداوە و دواتریش تەقینەوەیەکی دیکە لە هەمان شوێن روویداوە و بەهۆیەوە چەندین ماڵی نزیک وێستگەکە ئاگریان گرتووە.
لە ئێستادا 25 تیمی ئاگرکوژێنەرەوە لە شوێنەکەن وێڕای کۆنتڕۆڵکردنی ئاگرەکە بەڵام مەترسی روودانی تەقینەوەی سێیەم هەیە لە هەمان شوێندا.
