ئەمڕۆ لەسەر رێگای کەلار- دەربەندیخان لە نزیک گوندی بانی خێڵان تەرمی کەسێک لەناو بارهەڵگرێکدا دۆزرایەوە.
سڵێمان محەمەد قائیمقامی دەربەندیخان بە تۆڕی میدیایی ئێستای راگەیاند، “نیوەڕۆی ئەمڕۆ لەسەر رێگای کەلار- دەربەندیخان بەرامبەر گوندی بانی خێڵان تەرمی هاوڵاتییەک لەناو بارهەڵگرێکدا دۆزرایەوە، کە پێدەچێت چەند رۆژێک بێت گیانیلەدەستدابێت و پێینەزاندرابێت”.
ئاشکراشیکرد، “هاوڵاتییەکە بەرەگەز عەرەبە، تەرمەکەی براوەتە پزیشکی دادی بۆ دیاریکردنی هۆکاری مردنەکەی و لێکۆڵینەوەکان لەو بارەیەوە دەستیانپێکردووە”.
