بەهۆی بەڕێوەچوونی فێستیڤاڵی هاوینەی سلێمانی لەبەردەرکی سەرا، شەقامی پیرەمێرد تەنها بە ئاڕاستەی شەقامی گۆران (ئۆرزدی) كراوە دەبێت و شەقامی سابونکەران تەنها بە ئاڕاستەی شەقامی كاوه كراوه دەبێت بە رووی شۆفێراندا.
سەرۆکایەتیی شارەوانیی سلێمانی بڵاویکردەوە، “ئاگاداری هاوڵاتییان و شۆفێران دەکەینەوە، بە مەبەستی سازدانی فێستیڤاڵی هاوینەی سلێمانی لەبەردەرکی سەرا، ئەمڕۆ لە کاتژمێر 2:00 ی دوانیوەڕۆ هەتا کاتژمێر 11:00 ی شەو هاتووچۆی ئۆتۆمبێل لە گۆڕەپانەكە بەربەست دەکرێت بەم شێوەیە، شەقامی پیرەمێرد تەنها بە ئاڕاستەی شەقامی گۆران (ئۆرزدی) كراوە دەبێت و شەقامی سابونکەران تەنها بە ئاڕاستەی شەقامی كاوه كراوه دەبێت بە رووی شۆفێراندا”.
فێستیڤاڵی هاوینەی سلێمانی ئێوارەی ئەمڕۆ لە کاتژمێر 7:00 دەستپێدەکات.
