ئەنجومەنی باڵای دادوەری عێراق بڵاویکردەوە، لە مانگی تەمموزدا لە هەر کاتژمێرێکدا هەشت حاڵەتی جیابوونەوەی نێوان هاوسەران تۆماردەکرێت.
ئەمڕۆ ئەنجومەنی باڵای دادوەری لە عێراق ئامارەکانی هاوسەرگیریکردن و جیابوونەوەی نێوان هاوسەرانی بۆ مانگی تەمموزی ئەمساڵ لە عێراق جگە لە هەرێمی کوردستان بڵاوکردەوە.
بەپێی ئامارەکە، لە مانگی تەمموزدا 22هەزار و 731 گرێبەستی هاوسەرگیری ئەنجامدراوە، چوار هەزار و 47 هاوسەرگیری لە دەرەوەی دادگاکان ئەنجامدراون.
هەر بەپێی ئامارەکە، چوار هەزار و 259 حاڵەتی جیابوونەوە لە دەرەوەی دادگا تۆمارکراوە و تەنها پەسەندکردنەکەی هاتووەتە دادگا، هەزار و 549 جیابوونەوە بە بڕیاری دادوەر تۆمارکراوە.
